الحلم الامريكي !

اتذكر بعد سقوط النظام واحتلال العراق وزعوا منشورات عن قائمة مفردات التموينية تحوي العجب هههههههه حتى نسوان حلوات يوزعون بالبطاقة وتاليها طارت البطاقة ، قالوا راح نسويلكم مجتمع مدني مسلفن بالباكيت ، مدني للكشر ، وما شفنه غير العشاير والافخاذ ورجال الدين بيدهم الحل والربط وطار ت بقايا المجتمع المدني بلاكت حصلنا منظمات مجتمع مدني على قفا من يشيل .. يابه هو وينه المجتمع المدني حتى مسوين الاف منظمات المجتمع المدني .. قالوا راح نسويلكم فدرالية من هاي التمام بحيث انت نايم والفدراليه تبخ عليك بخيخ لمن تجرش ، تالي صارت الفدراليات خناجر بظهر الشعب العراقي وفد يوم تتعارك فدرالية شارعنا وي فدرالية الشارع البصفنه ويصير الدم للرجاب .. ولا هسه مكيفين امريكا رجعت تحارب داعش وراح اتخلصنه منها .. جا بروح ابوك داعش مو هي الابن الشرعي لامريكا .. بصراحه ما نكدر نكول لجماعة الحلم الامريكي غير .. الاغم اغم قابل يدكوله رقم .. اودعناكم .. المخلص مو المخلص " بتشديد اللام " عمكم هلكان بن تعبان العريان العراقي