كعب اخيل

القراءة للشياب فقط
اكو وحده كان اخوانه زغار وابوها رجال جبير ، وجانت تطلع ابمكانه اداري الزرع .. تسكيه وتعتني بيه .. البنيه جانت حلوه كلش . واحد من الشلايتيه جان عنده نيه سوده وياهه فجان يراقبها باطراف الكاع مالتهه وكلما يريد يقترب حطت ايدهه على الخنجر وسحبته يلهث وحاد يكص عظم البعير .. يوم من الايام تجرأ وتقرب منها وجان تسحب الخنجر وكالت له : ولك منعول الوالدين اشعدك تحوم هنا جنك واوي ؟ تروح لو اطشر مصارينك كدامك .. كالها يبت الحلال هسه غير تعرفين السالفه .. كلما ارد اكلك جريتي الخنجر . كالتله احجي سالفتك من يمك وفضها . كالها عمي نذرت لله ما صار الاريده ، ما خليت نبي ولا امام ما نذرتله هم ماكو فايده ، نذرت الج صار الاريده وهسه جاي اوفي النذر .. طلع خمس دنانير بذاك الوكت جانت تحجي ، وكلها نذرت انطيج خمس دنانير بس اشوف جعب رجلك ، بين قوسين كعب القدم .. صفنت هاي وكام تبرر لروحه : شكو بيها واذا شاف جعب رجلي ؟ نزعت دستة الجواريب وراوته جعب رجلها والرجال خله ومشه . غط كم يوم وكام يراقبها بدون ما تشوفه والبت عينهه عالدرب .. هذا ما نذر بعد ؟ اخونه اجاهه وكاللها عمي انتي ( سرك باتع ) هم نفس القوانه ولمن نذرتلج يله تحقق الاريده وهاي عشر دنانير بس اشوف ساقج للركبه .. المهم ما اطول عليكم السالفه والنتيجه مبينه .. هسه ولا احنه دوم تبدي عدنه من جعب الرجل ونغلس منا لمن ... والعياذ بلله ..
لابو جعب الرجل .. ولكم هذا طلع ( كعب اخيل ) .. انه اخوك هذ اخيل من يا عمام ؟
ملحوظه
( قولو عني ما شئتم ، بذيء ، مبتذل
وهل هناك بذاءة اشد مما نحن فيه ؟ )
‫#‏العم_هلكان‬

ارباب

ليس على الارض ملائكة ، بتاتا
ما معنى الوعظ اذن من رجل خاطيء ؟
***
كونوا بشرا
الارض لا تتحمل عددا كبيرا من الارباب
***
عندما تتعدد الآلهة ..
ستملأ الأرض الدماء والكراهية
الحقيقة المطلقة لن تتقبل حقائق مطلقة اخرى

طرفي المعادلة القهرية

اركز كثيرا ، هذه الايام على دور العامل الخارجي في رسم احداث المنطقة ( المركز الرأسمالي المهيمن ووكلائه الاقليميون ) .. وابعاد لأي سوء فهم فلست من جماعة ( ان العالم يتآمر علينا لاننا شعب الله المختار ، النقي الذي يخشاه العالم لوجود سر فيه ) وانما لعدم اهمال ما يعد لنا من الحضائر لتوزيع قطعاننا عليها ليتسنى للمهيمن حلبنا وجز اصوافنا والانتفاع بلبننا ولحمنا في عالم العولمة الذي جعل الكون مزرعة له ، والذي صار فيه العالم قطعة شطرنج واحدة .. نعم فنحن قي الاقتصاد التابع ، والايديولوجيات " النقية " ، والعقل اليباب ، والاستبداد والارهاب نسهل للراعي قيادة القطيع وان الحرب على تفاهة وضعنا هي المفصل المهم في افشال ما يحاك لنا ولكن الاخذ بطرف من طرفي المعادلة القهرية وانكار دور الطرف الاخر هو فخ لجعل المعادلة مختلة دوما والوقوع في حبائل احد الطرفين وبالتالي استمرار المشهد الدموي الآسن وتشرنقنا فيه ، حيث ستكون كل خطواتنا حرب على طواحين الهواء .. لذا اقتضى التنويه
‫#‏العم_هلكان‬

فسبوكيات هلكان ( شرشبيل والطائفية )

* من المعروف ان العسكرية ، اضافة للتسليح والتدريب والامور الفنية الاخرى ، تتأثر بالسياسة والوضع السياسي ، باعتبارها السياسة بشكل حربي عنيف .. ما تتعرض له العمليات العسكرية من اخفاقات بالدرجة الاولى هي بسبب الاخفاق السياسي الذي بنيت عليه اسس العملية السياسية وادواتها المختلفة ، وان اي حل اخر ، رغم ضرورته فنيا ، لن يختصر هذه الدماء والدمار ، ما دام الاساس السياسي مختلا .. ازرعوا الشجر بشكل صحيح عندها تجنون ثماره
‫#‏العم_هلكان‬ 
*
من اجل القضاء على الطاعون نضطر لقتل الحيوانات السائبة
‫#‏العم_هلكان‬
*
لقد بشرنا مسؤول امريكي في بداية معارك الرمادي الاخيرة وطمننا بان راح يطلع داعش فاحتلت داعش الرمادي ؟! ثبت ان امريكا هي وجه الشوم والبوم وتساعد كلاب الروم ، بس شسوي لل... وين ابو الارقام ، دك رقم لل ... زعم الفرزدق ان سيقتل مربعا .. فابشر بطول سلامة يا مربع
‫#‏العم_هلكان‬ 
*
لقد قال السيد رئيس الوزرا ان ساعات معدودة تفصلنا عن بشرى النصر لنصحو ان داعش احتلت الرمادي ؟! وبئس بشرى ذوي التحفة
‫#‏العم_هلكان‬
*
والان كفى ثرثرة طائفية بعد ما حصل في الرمادي ، كفى تلاعبا بالطائفية .. اي قوة تعيد توحيد العراق تدق مسمارا في نعش التقسيم الامريكي .. لقد مكن الامريكان " داعش " من الهيمنة على غرب العراق لوضع الملامح الاخيرة لاقامة الدويلات في العراق وهو التناقض الرئيسي الان .. الكوارث الاخيرة ستعلم الجماهير ان أمنهم وأمانهم في وحدتهم ، وان قوة العراق في وحدته ، فكفاكم لغطا ولننقذ السفينة اولا من الغرق ثم بعد ذلك فلكل حادث حديث
كفى لغطا ايها الفقمات ، كما قال النواب
‫#‏العم_هلكان‬
*

شرشبيل القرضاوي يقول ان حكم اعدامه يخالف السنن الالاهية .. وتحريضك على ابادة شعوب من اي سنن ؟ ها .. شتكول ؟ سنن الناتو ؟ الحمد لاوباما على سنن الناتو
‫#‏العم_هلكان‬

الحرب الطائفية .. التشابه والاختلاف

ما هي أوجه التشابه والاختلاف بين الحروب الطائفية ، في اوربا القرون الوسطى ، وبين هذه الحروب في المجتمعات الإسلامية والعربية في أيامنا هذه ؟
لقد مرت اوربا بهذه الحروب بكل بشاعاتها ووحشيتها ، كما نمر بها الان ، مما يشبهنا في إشكالات شكلية ، حيث تستغفلنا هذه المشاكلة عن ادراك الفارق الخطير والاساسي بين الحالتين .
لقد كانت الحروب الطائفية الاوربية ، في ظرف مجتمعي ، يشهد احتضارا للنظام الاقطاعي وبروز قوة ثورية صاعدة ، هي البرجوازية الرأسمالية الصاعدة ، فتلونت تلك الصراعات الطائفية بألوان هذا الصراع فكان لها أثر وتأثير بمتطلبات الواقع ، وقد كانت من ضمن متطلبات الولادة الدموية وألام الوضع ، ليتم كنس العلاقات والأيديولوجية الاقطاعية وبناء نظام اكثر تقدما وتطورا .
اما بالنسبة لأوضاعنا ، والمرحلة التي نمر بها حاليا ، فهو صراع ايديولجي " خالص " يقع في الغيوم ، بعد تهرأ نظام التبعية الاقتصادية الكومبرادوري الطفيلي وانعدام بديل له على الأرض ، لذا فهو اكثر وحشية وأستدامة ، وعلاقاته في الواقع تجد تعبيراتها في تفكك الدول والمجتمعات وإيجاد بديل لها في المنظومات العصبوية المافيوزية ، وهذا هو جوهر ما اطلق عليه " الشرق الأوسط الكبير والفوضى الخلاقة " ومخرجاتهما المختلفة المميتة والمدمرة . والشكل المناسب لتداخل مصالح قوى الهيمنة الكبرى وشركائها المحليون ، رغم التنافر الضاهري بينهما ضمن الوحدة والتناقض
‫#‏العم_هلكان‬

الحصن والثيران ، والثرثره

من وحي الفيس بووك
المنشور
( كم اعشق الخيول عندما تصهل .. شموخ وكبرياء وتناسق وقوة . كذاك الثيران .. رمز القوة والخصوبة والنماء حيث عبدتها الاقوام القديمة لهذه الصفات . )
اعجاب تعليق
* ليس الامر هكذا .. كيف تجمع بين الخيل التي امرنا بتعلم ركوبها وبين الثور الذي يعبده عبدة البقر ، الله يهداك .
*هاي انت وين رحت ؟ هذا نص ادبي ، شنو علاقته بما ذكرت اخي ، نور الله عقلك
* مو الكفار يحاولون يدسون افكارهم بشتى الوسائل حتى يسممون افكارنا
* اخي اولا الهندوس ما يعبدون البقر وهاي الها قصة بديانتهم .. شنو الكفار ما عدهم شغل وعمل بس يريدون يسممون افكارك ؟ عمي ذول ملتهين بالتطور والتصنيع وووو
* ( واحد من اسبانيا ) ياخوان الهندوس بيهم مليار نسمه .. احترمو عقائد الناس حتى تحترمكم
* شفت .. هذا من ذول الاحتلو بلاد الاندلس وهم هم يحبون الثور .. راستا طفر من حجينه على عبدة البقر
* عمي هو منو احتل منو ؟ جا انت ما سامع بقصة طارق بن زياد وخطبته البحر من ورائكم والعدو امامكم
* هذا دليل على تعاون الصليبين مع الهندوس ضدنا .. ليفرح راح نرجع ونحرر الاندلس
* زين اذا حررناها ، نشجع ريال مدريد لو برشلونه ؟
* ذوله نقيم عليهم الحد لان يلهون الناس عن ذكر الله
* صلي على نبيك المسلمين اليشوفون الفريقين اكبر من عدد سكان اوربا كلها
*انت ابو تهرر الاندلس ، فنك توصل لهناك .. والبيه زومه يطلع للجول
* قادمون وراح انعلمك النسوان شجيب يا صليبي
‫#‏العم_هلكان‬ اظلون بهل العقليه الغبره لمتى .. ولكم خلبصتو الشليله وضيعتو راسهه .. الرجال عاجبه الحصان والثور اطلبونه بطلابه خو ما طلبونه .. دخلتونه بايراد ومصرف وضيعتو رباط السالفه .. وتيهتو صول جعابكم ، ويجي واحد ويكلك ليش ضيعتو اوطانكم وشعوبكم وثرواتكم وطمع بيكم حتى الما يكدر يطمع ابنفسه .. من مالت عليكم
وبحديث العم هلكان انقطع الحوار وبهت الذين ثرثروا

سالفة الخروف والحمار والجرس

الله بالخير
يكلك اكو واحد ، عنده طلي (خروف ) راد يبيعه بالولايه .. ركب علمطي ( الحمار ) ماله ـ اجلكم الله ـ وربط بركبة الطلي جرس حته يدك ويسمعه من يمشي بدون ما يلتفت وربط حبل بركبة الطلي وشده بذيل الحمار .. اكو مجموعه من الشلايتيه لحكوه مقصدهم يبوكونه .. صاحبنه يمشي براحته ولن واحد من الشلايتيه حل الجرص وربطه بذيل المطي وكص الحبل واخذ الطلي ومشه .. المطي ابو صابر ما صدك بصوت الجرس وجان كام يفر ابذيله وهو فرحان ومتونس على الرنه .. مشه مسافه ولن واحد من الشلاتيه كاله : عمي اكو واحد يحط جرس بذيل المطي ؟ كالهم .. عمي حاطه بركبة الخروف .. ضحكو الجماعه وكالوله وين اكو خروف عمي .. اتخبلت انت ؟ دار وجها واذا الخروف ماكو .. كالهم بالعباس انبكت .. كالوله شفنه رجال ماخذ طلي اوصافه كيت وكيت طب ابذيج الدرابين .. تخلي المطي يمنه وروح دور .. لمن ايس ورجع لكه الجماعه فالتين بالمطي .. امره لله كام يمشي رجيلي للولايه .. عطش وشاف بير بالدرب يمه جماعه .. اجه يشرب .. كالوله عمي اكو واحد يدك مشي رجيلي بهل الهيمه .. سولف سالفته .. كالوله تعرف تسبح ؟ كالهم ايه ، كالوله خوش .. طاح من عدنه جيس بيه ذهب بالبير .. طلعه وننطيك فلوس الطلي والمطي .. اخونه نزع هدومه وطب بالبير .. اثاري الجماعه من الشلايته خذو هدومه ومشو ..
هسه ولا سالفة التحرير .. وصلتنه للتقسيم والله اليستر من الوراه .. عمي ابو الارقام ظلت عندك ارقام ؟ عندك .. دك عيني دك
‫#‏العم_هلكان‬