* الله يساعدك حجي #شنيور ..
* هله عمي هله .. عيونك تكول عندك سالفه
* اي والله عمي .. سمعت بسالفة البرزاني ؟
* لا عمي .. شنهي سالفته ؟
* يكول طردنه رئيس برلمان الاقليم اللي هو من حركة كوران خوفا عليه من الجماهير ( يقصد عشيرة حزبه ) من اربيل للسليمانيه
* انت سامع بسالفة هارون الرشيد وي ابو نواس ؟
* لا عمي .. ما سامعه
* يكولون هارون والحاشيه مالته طالعين يتونسون ابستان . هارون كال اريد اجيبولي سالفه بيها العذر اقبح من الذنب ، واله جايزه زينه اليسولف .. صارت بيها جايزه وهي كلها كامت اسولف .. كالهم ولا واحد منكم جابها .. عينه على ابو نواس وابو نواس مطيهم اذن الطرشه .. مغلس .. مرت ساعه ونسه هارون السالفه ودنك على شي وجان ابو نواس يضربه على مؤخرته .. هاي شنو ولك ابو نواس .. اسسويت ؟ وجر سيفه .. كاله العفو مولانه .. اصورتك الست زبيده .. هرون صعدت عنده الحماوه وابو نواس كاله .. علكيفك مولانه لا تصير ابراسي ابو الغيره .. انت مو ردت عذر اقبح من ذنب ..
* يعني شنو حجي ؟ ال ..
* اسوي روحك ما تعرف مو .. البرزاني عذره اقبح من ذنبه
* هله عمي هله .. عيونك تكول عندك سالفه
* اي والله عمي .. سمعت بسالفة البرزاني ؟
* لا عمي .. شنهي سالفته ؟
* يكول طردنه رئيس برلمان الاقليم اللي هو من حركة كوران خوفا عليه من الجماهير ( يقصد عشيرة حزبه ) من اربيل للسليمانيه
* انت سامع بسالفة هارون الرشيد وي ابو نواس ؟
* لا عمي .. ما سامعه
* يكولون هارون والحاشيه مالته طالعين يتونسون ابستان . هارون كال اريد اجيبولي سالفه بيها العذر اقبح من الذنب ، واله جايزه زينه اليسولف .. صارت بيها جايزه وهي كلها كامت اسولف .. كالهم ولا واحد منكم جابها .. عينه على ابو نواس وابو نواس مطيهم اذن الطرشه .. مغلس .. مرت ساعه ونسه هارون السالفه ودنك على شي وجان ابو نواس يضربه على مؤخرته .. هاي شنو ولك ابو نواس .. اسسويت ؟ وجر سيفه .. كاله العفو مولانه .. اصورتك الست زبيده .. هرون صعدت عنده الحماوه وابو نواس كاله .. علكيفك مولانه لا تصير ابراسي ابو الغيره .. انت مو ردت عذر اقبح من ذنب ..
* يعني شنو حجي ؟ ال ..
* اسوي روحك ما تعرف مو .. البرزاني عذره اقبح من ذنبه
#العم_هلكان
كل شويه وطفر علينه مسعول وكال : احنه ما نقبل يطلع الشباب العراقيين للخارج لان عدنه حرب وي داعش .. هاي السالفه ذكرتني بنكته .. يكلك طياره صار بيه خلل والطيار كال للركاب .. يابه عدنه حموله زايده وانريد ثلاثه يضحون ويذبون ارواحهم من الطياره لو نموت كل احنه .. كام واحد روسي وكال باسم الشعب الروسي اضحي وذب روحه من الطياره .. الامريكي كال افه ماي كود جا يغلبني الروسي ويسجلها لشعبه .. كام وهم باسم الشعب الامريكي وذب روحه .. العراقي صعدت عنده الحماوه وكال انه ابن سومر واشور ذوله خو مو احسن مني .. كام فتح باب الطياره وجان يشمر واحد هندي .. هسه انتو كل واحد عنده ميت مصفحه وكاعدين بالخضراء واولادكم عايشين بالخارج سالمين غانمين وبس تودون اولاد الخايبه يموتون .. ليش همه امنين هجو غير من ظيمكم
#العم_هلكان
يكولون بذاك الوكت جان اكو واحد يسموه محمد حرامي بالريف .. يوم من الايام البكال اللي ساكن بوحده من القرى راد يسافر للولايه حتى يسوك الدكانه ، ومثل متعرفون ماكو سيارات ولازم يبات بالولايه حتى يكدر يرجع .. كال لمرته شلون راح اعوفج وحدج وانت وياج بس الاطفال واحنه متهومين عدنه فلوس واخاف عليكم من الحرامية .. كالت اله توكل على الله جا شبيدنه وهذا باب رزقنه الوحيد .. محمد حرامي عرف بالسالفه وكل الصاحبه اليوم نسطي على بيت البكال .. صار الليل والمره تلوج ما تكدر تنام من الخوف .. العاده كبل اكو سطه وجمين ، يعاني الحرامي يطفر علبيت وصاحبه ايظل بره يراقب .. محمد حرامي شبخ علطوف وجان المره اصيح بواحد من جهالها .. كوم يمه افتح الباب الخالك .. محمد حرامي استحه ونزل وصار يم الباب .. طلعتله وكالت هله خويه اتفضل .. طب جوه وسوتله عشه وجاي .. من خلص كلها خويه نامي وارتاحي انت بحماية اخوج .. صاحبه شافه اتأخر كال والله يبين خوش صيده .. لهناك طلع محمد حرامي ايد من وره وايد من كدام .. صاحبه كاله هاي شنو .. اشو كلشي ماكو ؟ كاله ولك سمتني اخوها وتريد ابوكها .. كله عمي انت شتحجي احنه حراميه روح وانه ابوك وجان يجر عليه الورور .. شلون ولك تبوك اختي .. غير اجتلك هنا .. غزر بيه الملح والزاد وجلمة اخوي .. صدك كلشي تغير .. حرامية هلوكت ما يغزر بيهم طن ملح ولا ينتخون حتى الزينب .. وكت اغبر حتى الحرامي صار سياسي مو المسكين مال كبل .. يبوك ايزار لو هايشه .. البوكات صارت على مستوى وطن
#العم_هلكان
حجي #شنيور *
عمي هذا اللملومان مالتكم راح يجلطني ..
* هذا ياهو النوب ؟
* هذا اليكعدون بيه ذوله الناهبين الشعب بالامتيازات والرواتب العاليه تكول واحدهم كاسر السده
* اها .. شبيهم ؟
* امس يناقشون مال الاعدام وتغليس رئيس الجمهوريه علتوقيع علمراسيم .. واحد ايجر بالطول والثاني بالعرض ..
* جا غير ديمقراطيه
* يا ديمقريطيه يا خريطي .. الاكراد ما كاتلهم غير هاي مخالفه ده ستورية وتنقص من صلاحيات الرئيس ، لان الرئيس منهم و" السنه " ما يرضون " لان جماعة داعش وغيرها من مناطقهم و" الشيعه " يكولون وافقو لان اكثر الضحايا من عدنه .. بله بروح ابوك هي هاي حكومه تترجه من وراها تصلح وتسوي دوله وهم تكول عشاير جاي تتعارك
* جا غير احنه دولة مكونات
* جا هو شنهو الخربنه غير دولة المكونات
#العم_هلكان
كل شويه وطفر علينه مسعول وكال : احنه ما نقبل يطلع الشباب العراقيين للخارج لان عدنه حرب وي داعش .. هاي السالفه ذكرتني بنكته .. يكلك طياره صار بيه خلل والطيار كال للركاب .. يابه عدنه حموله زايده وانريد ثلاثه يضحون ويذبون ارواحهم من الطياره لو نموت كل احنه .. كام واحد روسي وكال باسم الشعب الروسي اضحي وذب روحه من الطياره .. الامريكي كال افه ماي كود جا يغلبني الروسي ويسجلها لشعبه .. كام وهم باسم الشعب الامريكي وذب روحه .. العراقي صعدت عنده الحماوه وكال انه ابن سومر واشور ذوله خو مو احسن مني .. كام فتح باب الطياره وجان يشمر واحد هندي .. هسه انتو كل واحد عنده ميت مصفحه وكاعدين بالخضراء واولادكم عايشين بالخارج سالمين غانمين وبس تودون اولاد الخايبه يموتون .. ليش همه امنين هجو غير من ظيمكم
#العم_هلكان
يكولون بذاك الوكت جان اكو واحد يسموه محمد حرامي بالريف .. يوم من الايام البكال اللي ساكن بوحده من القرى راد يسافر للولايه حتى يسوك الدكانه ، ومثل متعرفون ماكو سيارات ولازم يبات بالولايه حتى يكدر يرجع .. كال لمرته شلون راح اعوفج وحدج وانت وياج بس الاطفال واحنه متهومين عدنه فلوس واخاف عليكم من الحرامية .. كالت اله توكل على الله جا شبيدنه وهذا باب رزقنه الوحيد .. محمد حرامي عرف بالسالفه وكل الصاحبه اليوم نسطي على بيت البكال .. صار الليل والمره تلوج ما تكدر تنام من الخوف .. العاده كبل اكو سطه وجمين ، يعاني الحرامي يطفر علبيت وصاحبه ايظل بره يراقب .. محمد حرامي شبخ علطوف وجان المره اصيح بواحد من جهالها .. كوم يمه افتح الباب الخالك .. محمد حرامي استحه ونزل وصار يم الباب .. طلعتله وكالت هله خويه اتفضل .. طب جوه وسوتله عشه وجاي .. من خلص كلها خويه نامي وارتاحي انت بحماية اخوج .. صاحبه شافه اتأخر كال والله يبين خوش صيده .. لهناك طلع محمد حرامي ايد من وره وايد من كدام .. صاحبه كاله هاي شنو .. اشو كلشي ماكو ؟ كاله ولك سمتني اخوها وتريد ابوكها .. كله عمي انت شتحجي احنه حراميه روح وانه ابوك وجان يجر عليه الورور .. شلون ولك تبوك اختي .. غير اجتلك هنا .. غزر بيه الملح والزاد وجلمة اخوي .. صدك كلشي تغير .. حرامية هلوكت ما يغزر بيهم طن ملح ولا ينتخون حتى الزينب .. وكت اغبر حتى الحرامي صار سياسي مو المسكين مال كبل .. يبوك ايزار لو هايشه .. البوكات صارت على مستوى وطن
#العم_هلكان
حجي #شنيور *
عمي هذا اللملومان مالتكم راح يجلطني ..
* هذا ياهو النوب ؟
* هذا اليكعدون بيه ذوله الناهبين الشعب بالامتيازات والرواتب العاليه تكول واحدهم كاسر السده
* اها .. شبيهم ؟
* امس يناقشون مال الاعدام وتغليس رئيس الجمهوريه علتوقيع علمراسيم .. واحد ايجر بالطول والثاني بالعرض ..
* جا غير ديمقراطيه
* يا ديمقريطيه يا خريطي .. الاكراد ما كاتلهم غير هاي مخالفه ده ستورية وتنقص من صلاحيات الرئيس ، لان الرئيس منهم و" السنه " ما يرضون " لان جماعة داعش وغيرها من مناطقهم و" الشيعه " يكولون وافقو لان اكثر الضحايا من عدنه .. بله بروح ابوك هي هاي حكومه تترجه من وراها تصلح وتسوي دوله وهم تكول عشاير جاي تتعارك
* جا غير احنه دولة مكونات
* جا هو شنهو الخربنه غير دولة المكونات
#العم_هلكان
