الواوي والزحلاوي

من الذاكره ..
ايام انتفاضة الواحد وتسعين ، كنت امشي وكدامي شاب .. من اقتربت منه سمعته يهوس ( الك حوبه يلزحلاوي .. الك ح ح .... ) هسه اريده يبطل ماكو ، يعيد ويصقل ..
* السلام عليكم
* عليكم السلام حجي
* ممكن تسمح لي بسؤال .. اذا ما بيها احراج عمي
* كل احراج ماكو .. تفضل ..
* عمي سمعتك تعيد وتصقل بهوستك .. احنه سامعين المظلوم اله حوبه هههه خو مو الزحلاوي وهذا تدري بي منكر والعياذ بالله ..
* سالتني عمي وتريد الجواب ؟
* اي والله عمي .. يعني صدك اريد اعرف
* عمي النظام من فلس وكامت مالاته مال الامه العربية والرساله وما ادري شنو محد بحالهن و بارن وما الهن سوك ، صفن وكال اشلون اطلع سالفه والهي الناس .. راح سمه رئيسه ( عبد الله المؤمن )
وبده بالحمله الايمانيه ..
* مو هاي تخ ...
* حجي بروح ابوك خليني اسولف ، تره دنبله شكبرها ابكلبي خل افجرها كبل ما تكتلني ..
* سولف عمي براحتك ..
* دمر العراق وذبح الوادم ومن حرب الحرب لمن غسلنا غسل .. ركض كبل علبارات ومنع العرك وعاف مصايب الله كلها .. وهل شور الزحلاوي بيه وغسل بخته وكبت عليه الدنيه كلها
انه ضحكت ومشيت ..
هو انه عليمن جبته ؟ الله ينعلك يلشيطان .. الكبر همه اله حوبه مو بس الزحلاوي .. جا هسه غير اذكر ؟
‫#‏العم_هلكان‬ 

كلما اتمعن في حروب داعش اتذكر توم وجيري ولكن على دم احمر .. خرب بعرضك المخرج الامريكي يكلب الطابك طبك ( خرب عرضك تره مو شتيمه .. مدح عراقي )
‫#‏العم_هلكان‬
بسجن ابو غريب .. كانت المنافسه بين الشقاوات للهيمنة على السجن موجودة دائما .. من يريد واحد منهم يكسرهيبة منافس اله يدبده بالنهار كدام المساجين وباليل ياخذ اله اشكم واحد ويمشي عليه بحيث ما يعرف اكثر المساجين .. مدري ليش ذكرت هاي السالفه .. انتو تدرون ليش ؟
‫#‏العم_هلكان‬
وياريل صيح بقهر .. باكونه غفلاوي ..
متفق ويه الذيابه.. الاولي الواوي
‫#‏العم_هلكان‬
بسجن ابو غريب .. كانت المنافسه بين الشقاوات للهيمنة على السجن موجودة دائما .. من يريد واحد منهم يكسرهيبة منافس اله يدبده بالنهار كدام المساجين وباليل ياخذ اله اشكم واحد ويمشي عليه بحيث ما يعرف اكثر المساجين .. مدري ليش ذكرت هاي السالفه .. انتو تدرون ليش ؟
‫#‏العم_هلكان‬
وياريل صيح بقهر .. باكونه غفلاوي ..
متفق ويه الذيابه.. الاولي الواوي
‫#‏العم_هلكان‬

مناطح الثيران

ملتقى اليسار الماركسي العراقي ا
يوما بعد يوم تثبت الاحداث ان الحل للقضايا القومية ،والدينية والطائفية ،يجب ان يجري في نطاق حركة موحدة للجماهيرفي كل بلد ، من اجل بناء دولة وطنية ديمقراطية علمانية تستند على المواطنه والمساواة بين المواطنين
* بمناسبة اكتشاف ناسا كوكب شبيه الارض على بعد الف واربعمية سنه ضوئيه .. جا هنا صرتو زرقاء اليمامه وارتال داعش تسرح وتمرح بالصحراء ما شفتوها .. بويه انهيم بيت البانيه .. وعلى كولة المصري ، عامل نفسك من بنها
‫#‏العم_هلكان‬ 

. التعميم خرافه ، مثل الاجماع الذي قال به الفقهاء .. بعض النماذج
* ‫#‏الغرب‬ ـ الكافر
*‫#‏الارهاب‬ ـ الاسلامي
*#الغرب الانساني ـ المتحظر
*‫#‏شعبـ‬ الله ـ المختار
‫#‏احنه‬ ـ متصيرـالنه ـجاره
وقس على هذا
‫#‏العم_هلكان‬ 

ها حجي مسعود ؟ تركيا تقتل ابناء الامه الكردستانيه .. اكيد راح اسويها ظلمه على اردوغان
* مسعود ميسويها لان بينه وبين اردوغان زاد وموساد
* جا شو انته وي الحومة المركزيه مسويها ظلمه ؟ محد يطب الا بتأشيره والجيش العراقي متخلوه يروح للموصل من يمك .. صدق من قال .. المتعصبون القوميون اعداء شعوبهم
‫#‏العم_هلكان‬
ليس عيبا ان تقهرك الظروف فتستعبد ، انما العيب ان لا تفضح وتقاوم اسباب استعبادك .. ناهيك عن تبريرها
‫#‏العم_هلكان‬
قال ابن تيميه : لا تتشبهوا بالكفار .. وبما ان الكهرباء من سنن الكفار ، لذا تتلاشى في بلادي ..
" المختصر المفيد ، في قطع الكهرباء وشراء العبيد " لابن تأبط شرا الفدرالي المكوناتي
‫#‏العم_هلكان‬
ابزمن الحصار ؛ جان يحنصونه بالموز .. متكدر تشتري موزه وحده .. ابزمن طياح الحظ الديمقراطي يحنصونه بالكهرباء .. اجت خمس دقايق وطفت .. لابو الفدراليه
‫#‏العم_هلكان‬
كل الشعوب تتطور الى الامام الا نحن .. تطورنا علبك مثل ب .. البعير اجلكم الله .. ليوره ليوره
‫#‏العم_هلكان
سؤال علريج ..
اذا خلصت سالفة داعش .. الحكومه بيش اسولف ؟؟
‫#‏العم_هلكان‬
اذا اردت ان تضعف الثيران فاثر جنونها .. يصير المناطح لاخوة موزه .. فلنبتعد عن عصبية الثيران اجلكم الله
‫#‏العم_هلكان‬
من لم يكن في حديقة بيته ( دغل ) فليتكلم عن حدائق الاخرين !
‫#‏العم_هلكان‬ اللعبانه روحه
خصم الحجي .. جزعوكم من الكهرباء حتى يبيعوها للشركات .. تعسا لكم ابناء صندوق النقد الدولي وسماسرة العولمة الراسمالية
*كلما اتمعن في حروب داعش اتذكر توم وجيري ولكن على دم احمر .. خرب بعرضك المخرج الامريكي يكلب الطابك طبك ( خرب عرضك تره مو شتيمه .. مدح عراقي )
‫#‏العم_هلكان‬
الماء لا يفشخ الماء .. اكطع ولا حجايه بعد
‫#‏العم_هلكان‬

من الذاكره ..

ايام انتفاضة الواحد وتسعين ، كنت امشي وكدامي شاب .. من اقتربت منه سمعته يهوس ( الك حوبه يلزحلاوي .. الك ح ح .... ) هسه اريده يبطل ماكو ، يعيد ويصقل ..
* السلام عليكم
* عليكم السلام حجي
* ممكن تسمح لي بسؤال .. اذا ما بيها احراج عمي
* كل احراج ماكو .. تفضل ..
* عمي سمعتك تعيد وتصقل بهوستك .. احنه سامعين المظلوم اله حوبه هههه خو مو الزحلاوي وهذا تدري بي منكر والعياذ بالله ..
* سالتني عمي وتريد الجواب ؟
* اي والله عمي .. يعني صدك اريد اعرف
* عمي النظام من فلس وكامت مالاته مال الامه العربية والرساله وما ادري شنو محد بحالهن و بارن وما الهن سوك ، صفن وكال اشلون اطلع سالفه والهي الناس .. راح سمه رئيسه ( عبد الله المؤمن )
وبده بالحمله الايمانيه ..
* مو هاي تخ ...
* حجي بروح ابوك خليني اسولف ، تره دنبله شكبرها ابكلبي خل افجرها كبل ما تكتلني ..
* سولف عمي براحتك ..
* دمر العراق وذبح الوادم ومن حرب الحرب لمن غسلنا غسل .. ركض كبل علبارات ومنع العرك وعاف مصايب الله كلها .. وهل شور الزحلاوي بيه وغسل بخته وكبت عليه الدنيه كلها
انه ضحكت ومشيت ..
هو انه عليمن جبته ؟ الله ينعلك يلشيطان .. الكبر همه اله حوبه مو بس الزحلاوي .. جا هسه غير اذكر ؟
‫#‏العم_هلكان‬

ربعنه وربعهم وبغايا العشيره

عن البارات والافساد ..
في زمن " البارات " تم انتاج اعظم الانتفاضات الوطنية في العراق وفي هذا الزمن انتج اللصوص وسراق المال العام .. الافساد ليس له علاقه لا بالبار ولا بالجامع وانما في امور اخرى .. هسه يطفر لي واحد ويكول انت ادافع عن المنكر .. لا يابه انه ما ادافع بس اخاف من المنكر الاكبر داعش ابن عم الحمله الايمانيه وسلملي على داعش
‫#‏العم_هلكان‬
صديقي واخوي الساخر الراحل اسماعيل ، الف رحمه على روحه ، مره واكفين اجاه صديق وجره على صفحه وكال : تره فلانه هلايام موتمام ، وفلانه من طرف العشيره ، جان ايكله اسماعيل : وانه ياهو مالتي قابل انه مسؤول عن قحاب العشيره هسه ولا الربع كلمن يدافع عن مكسرات ربعه .. يابه شنهي مالتكم .. قابل انتو مسؤولين عن .. اخ منك لساني
‫#‏العم_هلكان‬
الداعشية هي ان تفرض اعتقادك على الاخرين بالعنف الجسدي او الاجتماعي .. كلكم دواعش وان لم تنتموا
‫#‏العم_هلكان‬
الى جماعة هذا من ربعنه وذاك من ربعهم ...
وظلم ذوي القربى اشد مضاضة .. على المرأ من وقع الحسام المهند
‫#‏العم_هلكان‬
لقد وضع سيبويه نحوه ، فأصنع نحوك انت . لكل زمان نحوه
‫#‏العم_هلكان‬
تاريخيا .. الفاشستية تعارض دائما الفرح والبهجه .. عمي .. الله ما خلق الناس بوم وروح فواده ام هاشم
‫#‏العم_هلكان‬
عمي هسه المظاهرات مسيسه ابشط العرب ما مسيسه ، انتو اطونه الكهرباء وكفى السياسيين شر التسييس من سيسكم الله بمثلث برمودا
‫#‏العم_هلكان‬
يابه شخبصتونه بالكهرباء وشسون بيها .. عمي الحكومه كلبها كلب والده وتخاف عليكم تنتلون .. هاي جزاتها جي خايفه عليكم .. شبيها المهاف ، تكرص خو مو تكرص ؟
‫#‏العم_هلكان‬
كلما تطلع مظاهرة وكالو هاي مسيسه هههههههه حلوه هاي مال المظاهره مسيسه .. شنو السياسه رجس من عمل الشيطان ؟
‫#‏العم_هلكان‬

صندوق الدم الدولي .. اما اكتفيت من دمائنا ، يا دراكولا العصر ؟ .

سل كاكات النفط ففيها يكمن سر الموت ، وسر الاسرار ، وصندوق دراكولا الدموي !
سيكون لنا عيد حين يموت دراكولا ..
‫#‏العم_هلكان‬
صندوق الدم الدولي .. اما اكتفيت من دمائنا ، يا دراكولا العصر ؟ .. هش ذئابك عنا
‫#‏العم_هلكان
لقد اشرت في اكثر من مرة الا شيء خارج النقد والقراءة .. هو منطق التاريخ فالتاريخ لا يسير وفق تمنياتنا والحركة التاريخية ليست مسطرة ترسم خطا مستقيما لا اعوجاج فيه .. انا لا اصنم قاسم ولا ثورة تموز فلم اعبد الاصنام يوما .. ولكن اعود واكرر ان هناك فرقا بين نقد ونقد ..وكل تجربة لها ظروفها وزمنها ..عبد الكريم رجل ليس بالسياسي المحنك وله اخطائه ونقده من جهة استخلاص العبر يختلف كثيرا عن نقد الطبقات المتضررة من حكمه من ابناء الذوات والعوائل المقدسة ووكلاء شركات النفط الجدد ..
‫#‏العم_هلكان‬
ماوراء الحملة الشرسة ضد ثورة تموز
رغم التهويل الذي يجري حول مقتل العائلة المالكة .. ذات الدم الازرق ، والتي صارت كقميص عثمان ، راية باطل ، نسي هؤلاء السادة المهولون المجازر المرتكبة في ذلك العهد .. دماء االفلاحين التي قمعت انتفاضاتهم غير مهمة فهي حمراء ليست من النوع النادر ..
نسوا ايضا كمية القهر التي عاناها الفلح الذين كانوا ملكية خاصة للاقطاعي ، لو بحثنا خلف هذا الركام من الحقد على قاسم لرأيناه موقفا طبقيا .. بينما رآه الفقراء قد رسم وجهه على القمر نجد الطبقات المتضرره قد رأته شيطانا قتل الساده الهاشميين .. العودة بنا الى التبعية القديمة تتطلب شيطنة ثورة تموز فما زالت تفضح الكثيرين ...
‫#‏العم_هلكان‬
هاتو لي ثورة في العالم لم يكن فيها عنف ودم .. انتو تلعبون بلي ستيشن ؟
‫#‏العم_هلكان‬
هناك البعض ، لا يفرحه سقوط الباستيل ، بقدر ما يحزنه جز رأس الملك والملكة بالمقصلة .. عمي .. اتعلم حجم الآهات الذي عاناها رواد الباستيل ؟ ربي خرب الستلايت مالهم بجاه كلمن عنده جاه .. مفرع واندعيلك
‫#‏العم_هلكان‬
مشروع داعش هو مشروع معادي لكل مظاهر الحياة الانسانية .. فكيف نحاربه ونحن نضيق على حريات الناس وحقوقهم ؟ الحرب ضد داعش ليست عسكرية فقط وانما هو منهج معاكس ، ومن ضمن هذا المنهج النشاطات التي تبيح البهجة ، وهي احد الخناجر الاساسية في نعش المشروع الداعشي
‫#‏العم_هلكان‬
في ذكرى ثورة تموز ..
كثرت الاراء في ثورة تموز وتنوعت بين مدح وذم وذكريات شتى لكل من اراد دعم موقفه . وسط الكم الهائل من الاراء ، وفيه من الهذر كثير ، يختصر جوهرها ؛ في كونها ثورة اجتماعية غير مكتملة ، حاولت احلال سلطة طبقات شعبية على انقاض سلطة شبه اقطاعية ـ شبه برجوازية ، مرتبطة بالخارج ، باقتصاد تابع ،من دون برنامج ثوري واضح ، وهو سبب مقتلها .. كما ان هذا النقاش متأثر ايضا بالواقع الراهن ، الذي يحاول انصاره شيطنة ثورة تموز ، لتبرير الوضع الراهن ، الذي اعاد انتاج الطبقات القديمة ولكن بشكل ملهاة سوداء .
المجد لمن حاول انصاف كادحي هذا الشعب وان اخطأ البوصلة احيانا
‫#‏العم_هلكان‬

وسكته ، يم حسن سكته

مسكين ايها الشيطان فكم من شياطين ترجمك !
‫#‏العم_هلكان‬
كوميديا سوداء
قيل لامريكا : وما غرضك من داعش ؟
اجابت : اهش بها على غنمي ...
‫#‏العم_هلكان‬
البعض يرى ان من الايمان ، ان يكون عابس الوجه ، وجه ميكصه الطبر ، خشمه معلك بالسمه ، وعيونه تخوزر في جميع الاتجاهات ، ولحيته واصله لصرته ..
فاوحى الله الى عيسى : ان بشاشة يحيى بن زكريا اقرب الي من تجهمك .. يا جماعة الخير هذا تأزم مو ايمان .. لابو ارناني
‫#‏العم_هلكان‬
قاتل الله اللواكه .. قاتل الله اللواكه .. قاتل الله اللواكه
( الكاف تلفظ كالجيم المصريه )
ملكة بريطانيا .. قدست بساطتها .. تتمشه شايله مظلتها على راسها وحيدهاوعدنه ناس ما تسوه فلس ،،،
* تعقيب للاخ صباح على منشور لي
Sabah Abdulrazak اليوم كانت ذكرى مجزرة سربرنيتشا التي اقامها صرب البوسنة لمسلميها، اخبرتني اليوم بوسنية بان القتل والاغتصاب لم يكن الافظع والاكثر وحشية، فقد اطعموا النساء لحما مشويا وفيما بعد اجبروهن على رؤية فيديو يظهر كيف قاموا بذبح اطفالهن وشويهم وتقديم لحمهم المشوي لياكلن منه!
12 ساعة · تم تعديله · إلغاء إعجابي ·
يعني الصرب هم عدهم جينات وهم مصير الهم جاره ؟
العنف والوحشية والتخلف ليست حالات جينية تمثلها امة معينة او دين معين وانما هي ظاهرة عامة تجد نفسها في اي امة او شعب بسبب ظروف عديدة تسبب اشتغالها ، وتكون هناك خصوصية للثقافة السائدة في بعض اشكالها وتمظهراتها . ان خطورة هذا الطرح ، رغم انه ينتقد بعنف وضعا معينا ولكنه يشيع اليأس في المجتمع من امكانية التغيير فيساهم في " تأبيد " ما ينتقده . يبدو ان الما اصير الهم جاره هم جماعة ما اصير النه جاره ..هه ربي شلون بلكي اسوي جاره لجماعة ما اصير النه جاره ومنا لمن اصير النه جاره .. نشبع كفخات .. فيمالله
‫#‏العم_هلكان‬
حوار على صفحة صديق وهذا تعقيبي على رأي احد اصدقائه من جماعة ما اصير النه جاره
يا عزيزي هذا مثال فقط توجد الاف مثله في تاريخ الامم الاخرى .. خو ما عديناهم من جيناتنه يبعد روحي .. افريقيا وصراعاته وحروبها المستمرة والمجازر البيها هم بسببنه ؟ وهم مثال مو حصرا .. بس لا تكول جيناتنه هي سبب ابادة الهنود الحمر .. اما كفانا جلدا للذات ؟ للنقاش المفيد اصولا والا لن يستمر او يكون شكلا من المماحكات التي تخصنا نحن العرب ههههه هاي اتفقت بيها وياك بعد شتريد
‫#‏العم_هلكان‬
صرح السيد دولة رئيس الوزراء انه لم يأمر بصرف بدل سكن لوكلاء الوزارات وسيعاقب المسؤلين في مكتبه عن اصدار الامر ..
فأن انت لم تأمر فتلك مصيبة .. وان كنت مغلس فالمصيبة اعظم
* انقطاع تام للكهرباء والماء على الخليفة والموصل بعد ضرب مخازن عتاد داعش القريبة من محطة الكهرباء من قبل الطائرات الامريكية ..
جا شو برلمان ذيج الصفحة لاحس ولا خبر .. لا وقفه برلمانيه ولا تصريح وما طلبو من طائرات التحالف يوصون الصاروخ ياخذ هوية الهدف اذا مدني ما ينفجر واذا عسكري يطك عليهم ..
وسكته يم حسن سكته
‫#‏العم_هلكان‬ 
 صرح السيد دولة رئيس الوزراء انه لم يأمر بصرف بدل سكن لوكلاء الوزارات وسيعاقب المسؤلين في مكتبه عن اصدار الامر ..
فأن انت لم تأمر فتلك مصيبة .. وان كنت مغلس فالمصيبة اعظم
* انقطاع تام للكهرباء والماء على الخليفة والموصل بعد ضرب مخازن عتاد داعش القريبة من محطة الكهرباء من قبل الطائرات الامريكية ..
جا شو برلمان ذيج الصفحة لاحس ولا خبر .. لا وقفه برلمانيه ولا تصريح وما طلبو من طائرات التحالف يوصون الصاروخ ياخذ هوية الهدف اذا مدني ما ينفجر واذا عسكري يطك عليهم ..
وسكته يم حسن سكته
‫#‏العم_هلكان‬

قصة عبد الباري أبو التاريخ

عبد الباري أبو التاريخ معلّم قديم طاحنته الدنيا طحن وما يملك منها غير بايسكل هندي ومكتبة. بالخمسة وستين تخرّج من دار المعلمين وتعيّن بالقرى والأرياف. چان يستلم الراتب منا، يخلصه على الكتب والمجلات العلمية منا. بالتسعة وستين انسجن بتهمة إزدراء الأديان، لأن گال للتلاميذ: سيّد سلمان ما يشوّر والدليل انا أحچي عليه وما يصير بيَّ شي. وكان للسيد سلمان ضريح مشيّد يقدّسه أهل القرية. بلّغ المدير على استاد عبد الباري وسجنوه سنتين عدل، أكل بيهن هوا. وره السنتين طلع إفراج. من طلّعوه گالوا له: تنچب وما تفكّ حلگك بعد.. إفتهمت وِلك؟.. إي افتهمت. خطيّة ظلّ منچب وما يتحرّش بـ “المقدّسات”. بالتسعة وسبعين انسجن أيضاً بتهمة إزدراء الأديان لأن گال للتلاميذ: الله ماله علاقة بهذا العَبَث، هاي الحروب يشعلها الساسة ويدفع ثمنها الأبرياء. المسكين بقى معفّن بالسجن ٣ سنوات ونص، وطلع بالعفو العام. من طلّعوه گالوا له: تنچب وما تفكّ حلگك بعد.. إفتهمت حيوان؟.. إي افتهمت. بقى منچب لحد الستة وثمانين. بالستة وثمانين اخذوه قاطع جيش شعبي وأثناء الهجوم على الشلامچة وگع أسير بيد الإيرانيين. بقى بأقفاص الأسر أربع سنوات شاف بيهن نجوم الظهر لأن ما يصلّي. بالتسعين طلقوا سراحه بصفقات تبادل الأسرى. من طلّعوه گالوا له: أغا انت تنچـــــب ڤتاكل خرا بعد زالك.. إفتهمت أغا؟.. افتهمت. خطية عبّود رجع من ايران شبه لاگف وماكل طن خرا. بالواحد وتسعين صار الحصار واسودّت الدنيا بعينه. حط له بسطية بالسوگ وگعد يبيع تتن ودفاتر لف وشخّاط. بالستة وتسعين اخذوه الأمن بتهمة إزدراء الأديان لأن گال: هاي الحملة الإيمانيّة مالة الجماعة تشبه الغطا مالة السبتتنگ. وره سنتين طلع امكسّر من السجن. من طلّعوه گالوا له: تنچب وما تفك حلگك بعد.. إفتهمت كلب؟.. إي فتهمت. ظلّ استاد عبد الباري منچب وماكل تبن الى أن صار التغيير وصاح أفّيـــــــــش، بعد ماكو ابن كلب يگول لي انچب عبّود. بالألفين وستة انسجن عبّود بتهمة ازدراء الأديان، لأن گال: الموامنة ما وراهم خبزة. وره سنة طلع من السجن بكفالة. من طلّعوه گالوا له: مولانا تنچب وما تفك حلگك بعد.. إفتهمت مولانا؟.. إفتهمت.
هي هاي حياة استاد عبد الباري أبو التاريخ، المگرود خلّصها منچبّ وماكل تبن رغم إختلاف الزمان وتبدّل السلطان.. هسه غير يموت ويخلص ...

منقوله

لا يمكن اخذ الناس الى الجنة بالسلاسل

المجتمعات تحركها المنفعه لا الايديولوجيات والعقائد ؛ المنفعه نوعان ، بالمعنى السلبي كما نراه اليوم في مجتمعنا ، وبالمعنى الايجابي العام الذي ينقل الدول الى التقدم والرفاهية . النموذج الذي بنيت عليه السلطة الحالية في العراق ، هو النموذج السلبي ، بمعنى مصلحة الافراد والاحزاب والتجمعات النفعية المشابهة ، فهو لا يبني دولة وانما سلطة ، وشتان بينهما
‫#‏العم_هلكان‬
* حول النقد الذي نراه للاوضاع في الفيس
قطرات المطر مهما كانت كثيرة لا تبلل النهر .. الماء من جنس الماء .. سلط النار على الماء وسيتحول الى غاز ..
‫#‏العم_هلكان‬ الجدلي
* اقول لمن يدعو الى نظام رئاسي بدلا عن البرلماني ، او يدعو لحل مجلس النواب لانهم حرامية وما الى ذلك .. ما فائدة هذه الاشياء والمولد نفسه باقي .. سمعتو فد يوم ان مريض السرطان شفي بعد بتر احد اعضائه ؟ متشيلو السرطان الاول
‫#‏العم_هلكان‬
* لا يمكن اخذ الناس الى الجنة بالسناسل ( القيود ) .. قاريها من زمان وما اذكر منو القائل .. صدك لو مو .. ؟ هسه انت مشتاق للجنه تاخذ الوادم وياك بحزام ناسف ليش ؟
‫#‏العم_هلكان‬
*

الخمر وسرقة وطن

عجبت لمن يجد في كأس خمر ،الخطر الاعظم ، ولا يرى في سرقة ثروة وطن اي مشكلة !
‫#‏العم_هلكان‬
* هناك نظرة شائعة بأن نقد المركز الراسمالي ، وخططه من اجل الهيمنة على العالم ، يعتبر عداءا للغرب المتقدم .. شنو علاقة المكان بنوع الانظمة .. لو كانت جيبوتي او الصومال هي المركز المتقدم لتم نقدها .. خلط الاوراق لا ينفع ايها السيدات والسادة .. كفانا تشويشا فالعالم المشوش والمضبب الرؤية مش ناقص ضبابية جديدة .. لابو فسوة الواوي
‫#‏العم_هلكان‬
* لقد بات واضحا ، ان المسألة ليست في قوة جيش ما ، وليست في تناقضات وضع بلد ما .. بقدر ما هو مخطط خطير تنفذه القوى المهيمنة على العالم، بأدوات مختلفة ومتنوعة .. الرسمالية منذ بداياتها في المانيفاكتورة والمصانع البسيطة اشعلت حروبا بشعة وحشية للهيمنة على العالم ، فكيف بها وقد امتلكت التكنلوجيا المتطورة الرهيبة ، وانفرادها بالعالم مع غياب اي قوة منافسة كما الاتحاد السوفياتي ومعسكره ؟
* بلداننا تتدمر والعقائديون " البحت " هم كالفرحان بخ ...ه لا تهمهم سوى نصوصهم " المقدسه "
‫#‏العم_هلكان‬
* العقائديون الايديولوجون البحت .. النصوصيون ، من يلقي بوجهك نصه وكأنه يقصف بالقنابل الثقيلة ، هم من اكبر مصائبنا ، من اقصى اليمين الى اقصى اليسار .. جتكو نيله ، ئرفتونا في ام عيشتنا
‫#‏العم_هلكان‬
* ذات مره ، جرى حوار في سياره بيني وبين احد الركاب ، حول تعامل بعض مكاتب الدلاله العراقيه السيء ، فكان جواب الرجل : ماكو دلال " شريف " . اجبته بأني ارفض التعميم فقال : هون عليك ، انا دلال .. واقول لك الحقيقة ؛ مرة اخرى انا لا اعمم ، والسؤال الذي بنيته على المحاوره :
ما هو مصير بلد وشعب سلمت مقاديرهما الى طبقة من الدلالين ( السماسره ) ؟
‫#‏العم_هلكان‬