مرثية للوطن

ترنيمة عراقية
الله ياهل الوطن يلضعت من أسنين
أنت وتد للأرض أصل البشر والكون
بيك أنجمع كل طبع كلبك وسع كل لون
القصيدة
الله ياهل الوطن يالخيرك هواية
عمرك كضيته الحكم بيد الحرامية
صاروا مناة وهبل تحسدهم الاصنام
**************
بيك الرأي مقصلة والاختلاف اثام
بيك الحجي شكد حلو بس الفعل إجرام
الاسماء بس تختلف كلهم تره صدام
****************
طبت جيوش التتر وعيونهم زركة
وبإجرامهم ما شفت موت ورصاص ونار
وضاع الشعب والوطن ما بين سام وحام
***************
الله ياهل الوطن ضميتك بعيني
ومن كثر كت الدمع والدمع عدنه أنهار
غفلة أنزلت ياوطن غصبن علي تنظام