الله بالخير ..
ذكرتني ، الاحداث ، بنكته من ايام ذاك الزمان ، يكلك فد واحد سأل صديقه الكردي : ها وين كاكا متنشاف هلايام ؟ فجاوبه : والله مشغول كاكا الصبح دوام ، والعصر جيش شعبي ، وبالليل بيشمركة .. مشكلة العراق السياسيين يمثلون كل الادوار وبمهاره .. همه حكومه وهمه معارضه ، همه ضد الاحتلال وهمه وياه ، همة مع المطالب الشعبيه وهمه ضدها ، همه وي المحاصصه وهمه وي الاصلاح ، همه ضد اسرائيل وهمه وياها ، تجي للانتفاضه همه نصهم بالساحه وهمه نصهم يكتلون بالمنتفضين ، همه يطالبون بحصر السلاح بيد الدوله وهمه يطالبون بحصر الدوله بيد السلاح ، ذوله سياسيين لو شنو ؟
اخلي الجواب يمكم انتو اجاوبوه وآنه اروح .. اودعناكم ،
ثيمالله
#العم_هلكان
ليست هناك تعليقات:
إرسال تعليق