الملك وبنت المتسول

يروى ان ملكا كان يتجول في المدينة فوقع نظره على امرأة خارقة الجمال ، بملابس رثة ، فوقع في هواها . تبعها حتى عرف محل سكناها ،وتحرى عن ابيها فقيل له انه متسول .. ذهب الى ابيها وطلب يد ابنته .. قال مولانه انت ملك وانا شحاذ ، هاي شلون ترهم ؟ اصر الملك فقال الشحاذ سأخبرها بذلك ثم عاد فقال : شرطها الوحيد ان تتسول لمدة اسبوع حتى لا تعيرها بنت المجدي .. يابه شلون ترهم انه ملك واستعطي شكول للوادم ؟ كاله والله هذا شرطها وانت ايكيفك .. تدرون الحب اعمى واطرش وافق الملك .. راح الملك للوزير وقال له : سأغيب اسبوعا في مهمة سرية وحدي وانت دير بالك .. خلص الاسبوع واجه الثاني والملك ما كو .. الوزير وده الاستخبارات ادور على الملك .. اجه واحد للوزير كال يمعود هذا واحد مجدي نسخة طبق الاصل من الملك .. الوزير راح واذا هذا الملك مبهذل وسخ لحيته شطولها .. كال له شنو السالفه مولانه عايف المملكه ومبهذل روحك ؟ الملك كال عمي يا ملك يابطيخ دروح فلوس وابلاش لا تعب ولا مخاطر ولا طلايب .. عمي روحو شوفوالكم ملك وكفوني شركم .. هسه مو مو مشكله الرجال ظلم روحه لكن اشبصركم بالجامعين الشعلتين سوه شراح يسوون بالناس ؟
من حكايات العم هلكان